នមោមេ សព្វពុទ្ធានំ ឧប្បន្នានំ មហេសីនំ តណ្ហង្គរោ មហាវីរោ មេធង្គរោ
មហាយសោ សរណង្ករោ លោកហិតោ ទីបង្ករោ ជុតិន្ធរោ កោណ្ឌញ្ញោ
ជនបាមោក្ខោ មង្គលោ បុរិសោសភោ សុមនោ សុមនោ ធីរោ រេវតោ
រតិវឌ្ឍនោ សោភិតោ គុណសម្បនោ្ន អនោមទស្សី ជនុត្តមោ បទុមោ
លោកបជ្ជោតោ នារទោ វរសារថី បទុមុត្តរោ សត្តសារោ សុមេធោ
អប្បដិបុគ្គលោ សុជាតោ សព្វលោកគ្គោ បិយទស្សី នរាសភោ អត្ថទស្សី
ការុណិកោ ធម្មទស្សី តមោនុទោ សិទ្ធត្ថោ អសមោលោកេ តិស្សោ
ច វទតំ វរោ ផុស្សោ ច វរទោ ពុទោ្ធ វិបស្សី ច
អនូបមោ សិខី សព្វហិតោ សត្ថា វេស្សភូ សុខទាយកោ កកុសន្ធោ
សត្តវាហោ កោនាគមនោ រណញ្ជហោ កស្សបោ សិរិសម្បន្នោ គោតមោ
សក្យបុង្គវោ ។
ឯតេ ចញ្ញេ ច សម្ពុទ្ធា អនេកសតកោដិយោ សព្វេ
ពុទ្ធា អសមសមា សព្វេពុទ្ធាមហិទ្ធិកា សព្វេ ទសពលូបេតា
វេសារជ្ជេហុបាគតា សព្វេ តេ បដិជានន្តិ
អសភណ្ឋានមុត្តមំ សីហនាទំនទន្តេ តេ បរិសាសុ
វិសារទា ព្រហ្មចក្កំ បវត្តេន្តិ លោកេ
អប្បដិវត្តិយំ ឧបេតា ពុទ្ធធម្មេហិ អដ្ឋារសហិ
នាយកា ទ្វត្តឹសលក្ខណូបេតា សីត្យានុព្យញ្ជនាធរា
ព្យាមប្បភាយ សុប្បភា សព្វេ តេ មុនិកុញ្ចរា
ពុទ្ធា សព្វញ្ញូនោ ។
ឯតេ សព្វេ ខីណាសវា ជិនា បហប្បភា
មហាតេជា មហាបញ្ញា មហព្វលា មហាការុណិកា ធីរា
សព្វេសតានំ សុខាវហា ទីបា នាថា បតិដ្ឋា ច តាណា
លេណា ច បាណិនំ គតី ពន្ធូ មហស្សាសា សរណា ច ហិតេសិនោ
សទេវកស្ស លោកស្ស សព្វេ។
ឯតេ បរាយនា តេសាហំ សិរសា បាទេ វន្ទាមិ បុរិសុត្តមេ វចសា មនសា ចេ វ វន្ទាមេតេ តថាគតេ សយនេ អាសនេ ឋានេ
គមនេ ចាបិ សព្វទា សទា សុខេន រក្ខន្តុ ពុទ្ធា
សន្តិករា តុវំ តេហិ ត្វំ រក្ខិតោ សន្តោ មុត្តោ
សព្វភយេន ច សព្វរោគវិនីមុត្តោ
សព្វសន្តាបវជ្ជិតោ សព្វវេរមតិក្កន្តោ នព្ពុតោ ច តុវំ ភវ។
តេសំ សច្ចេន សីលេន ខន្តិមេត្តាពលេន ច តេបិតុម្ហេ អនុរក្ខន្តុ អារោគ្យេន សុខេនច
បុរត្ថិមស្មឹ ទិសាភាគេ សន្តិភូតា មហិទ្ធិកា តេបិតុម្ហេ អនុរក្ខន្តុ អារោគ្យេន សុខេនច
ទក្ខិណស្មឹ ទិសាភាគេ សន្តិទេវា មហិទ្ធិកា តេបិតុម្ហេ អនុរក្ខន្តុ អារោគ្យេន សុខេនច
បច្ឆិមស្មឹ ទិសាភាគេ សន្តិនាគា មហិទ្ធិកា តេបិតុម្ហេ អនុរក្ខន្តុ អារោគ្យេន
សុខេនច
ឧត្តរស្មឹ ទិសាភាគេ សន្តិយក្ខា មហិទ្ធិកា តេបិតុម្ហេ អនុរក្ខន្តុ អារោគ្យេន
សុខេនច
បុរិមទិសំ ធតរដ្ឋោ ទក្ខិណេន វិរុឡ្ហកោ បច្ឆិមេ ន វិរូបក្ខោ
កុវេរោ ឧត្តរំទិសំ ចត្តារោ តេ មហារាជា លោកបាលា យសស្សិនោ
តេបិតុម្ហេ អនុរក្ខន្តុ អារោគ្យេន សុខេនច
អាកាសដ្ឋា ច ភុម្មដ្ឋា ទេវា នាគា មហិទ្ធិកា តេបិតុម្ហេ អនុរក្ខន្តុ អារោគ្យេន
សុខេនច ។
0 comments:
Post a Comment